Чи тыхджындæр?

Æлборты Игоры номыл ерыстæ боксæй æрыгæтты `хсæн сарæзтой Дзæуджыхъæуы. Архайдтой дзы 60 спортсмены. Ерыстæм æрбамбырд сты канд æппæт республикæйы нæ, фæлæ ма Хуссар Ирыстоны дæсныдæртæ. Тох кодтой 10 алыхуызон уæзы. Ерыстæ цæудзысты 3 боны. Уæлахиздзауты сбæрæг кæндзысты 8-æм ноябры. Балæвар сын кæндзысты. Кады гæххæттытæ, майдантæ æмæ зæрдылдарæн лæвæрттæ. Турнир аразджытæ куыд фæнысан кодтой, афтæмæй мадзал сарæзтой фыццаг хатт. Фæлæ, сæ ныхæстæм гæсгæ, суыдзæн æрвылазон. Хуымæтæджы нæ. Хъуыстгонд богæлттæ Æлборты Игорь æмæ Гасситы Мураты фæрцы фæсивæд спортивон залтæм ныггуылф кодтой. Ахæм турниртæ та сын уыдзысты сæ ном дунейыл айхъуысын кæныны хорз фæрæзтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv