Цæгат Ирыстоны скъолаты каникултæ райдайдзысты 18 октябры

Цæгат Ирыстоны скъолаты каникултæ райдайдзысты 18 октябры. Уый тыххæй фехъусын кодтой оперативон штабы æмбырды. Æмбæлгæ хъæппæрис бахаста ведомствойы сæргълæууæг Алыбегты Эллæ. Ныртæккæ скъоладзауты 17 проценты сты рынчын. Æдæппæтæй карантины сты 15 мин сывæллоны. Министры хæстæ рæстæгмæ æххæстгæнæджы ныхæстæм гæсгæ ахуыргæнджытæй низджын чи у, уыдоны нымæц дæр рæзы. Каникулты рæстæг куыст цæудзæн дистанцион хуызы. Алыбегты Эллæ фæнысан кодта, ахуыры фыццаг дыууæ мæйæн хатдзæгтæ скæндзысты каникулты фæстæ. Республикæйы хицауады сæрдар Дзанайты Барис хъæппæрисимæ сразы, æмæ бахæс кодта æмбæлгæ уынаффæ бацæттæ кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv