Абон ахуыргæнджыты фæлтæрддзинад уæлдæргæнæн институты уыд радон конференци

Абон ахуыргæнджыты фæлтæрддзинад уæлдæргæнæн институты уыд радон конференци. Паддзахадон бюджетон организаци «Центр моя семья»-йы архайджытæ сæ куысты фæдыл скодтой хатдзæгтæ. Радзырдтой, афæдзы фыццаг æхсæз мæймæ цы мадзæлттæ сарæзтой, уый. Уыимæ ма презентацийы хуызы æрдзырдтой сæйраг фарстатыл дæр. «Новые горизонты», зæгъгæ, проект райдыдта кусын 2018 азы. Йæ сæйраг нысан у – сидзæр сывæллæтты хæдзæртты цы рауагъдонтæ ис, уыдонæн сæрмагонд уавæртæ саразын, цæмæй фидæны сæхицæн дæсныйад равзарой. Ацы проекты цы сывæллæттæ архайы, уыдоны миддуне æмæ сæ цæстæнгас, афтæ æнцон бамбарын нæу. Хъæуы семæ ныхас кæнын, цæмæй царды ныфсджындæр уой. Уый тыххæй та сын равзæрстой наставниктæ, кæй хонынц, ахæм адæмы. Уыдон ссарын раздæр æнцон нæ уыд, фæлæ ныртæккæ уыцы хъуыддагæн цæлхдуртæ нал ис. Алы рауагъдонæн дæр ис фадат, цæмæй йæхи бафæлвара ацы ахсджиаг хъуыддаджы. Сывæллæттæн та стыр ахъаз у, сæрмагонд адæймаг дзы алкæмæ дæр йæ цæст куы дара, уæд. Уыимæ ма йæ ахуыр кæндзæн цавæрдæр дæсныйадыл, цæмæй фидæны йæ бон уа æхсæнады мидæг уæлдæр къæпхæнтæм схизын. Ахæм хъуыды ис Сидахъаты Ритæмæ дæр. Уый йæхимæ ныфс райста, цæмæй фæкæса Дур-Дуры хъæуы сидзæр хæдзары цы рауагъдон уыд, уымæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv