Депутатæй лæвар

Регионалон къуырийы фæлгæты Таймазты Артур фембæлд Ногиры цæрджытимæ. Горæтгæроны районы цæрджытæй 20-æй фылдæр депутатмæ социалон фарстатимæ бахатыдысты. Сæ фылдæр баст уыдысты нуазыны доны фарстатимæ, скъолаты цæттæдзинадимæ. Кæйдæрты бон нæу сæ сывæллæтты рæвдауæндæттæм рады сæвæрын. Таймазты Артур куыд фæнысан кодта, афтæмæй рæхджы Ногиры байгом уыдзæн сывæллæтты ног рæвдауæндон. Бынат дзы уыдзæн 280 сывæллонæн. Спортивон комплексы тренертæ дæр депутатæй ракуырдтой æвзонг спортсментæн сæрдыгон рæстæг пайдаимæ арвитынæн баххуыс кæнын. Сæ фылдæр сты фæкæсынхъуаг бинонтæй æмæ сæ ныййарджытæн арæх фадат нæ вæййы сæ цоты искуыдæм арвитынæн. Зæрдæ дарынц сæ зындгонд æмхъæуккаг сын кæй баххуыс кæндзæн, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv