Цæгат Ирыстоны фысджыты цæдисы ацыд фембæлд «Ирыстон æмæ Расул Гамзатов»
Фысджыты цæдисы та æрымысыдысты Расул Гамзатовы. Сæрмагонд мадзал снысан кодтой фыссæджы æнусон юбилейæн. Фембæлды архайдтой ахуыргӕндтæ, æхсæнадон архайджытæ æмæ 50-æм скъолайы ахуырдзаутæ. Дзырдтой, стыр курдиаты хицау поэзийы райрæзтмæ цы стыр æвæрæн бахаста, уый фæдыл. Æрымысыдысты Расул Гамзатовы архайдимæ цардæй ист цаутæ. Бакастысты йын йæ æмдзæвгæтæ. Ирыстоны ирон æвзагмæ тæлмацгонд æрцыдысты Расул Гамзатовы 2 чиныджы. Куыстой сыл зындгонд ирон поэттæ Хъайтыхъты Геор, Дзасохты Музафер, Хуыгаты Геор æмæ æндæртæ. Расул Гамзатов стыр аргъ кодта Хетæгкаты Къостайæн.