Æрвонгдзинады бон

Абон Уæрæсейы у æрвонгдзинады бон. Уымæ гæсгæ нæ бæстæйы регионты цæуынц карз нозт æмæ алкоголизмы ныхмæ мадзæлттæ. Уыдысты Цæгат Ирыстоны дæр. Фæсивæдон библиотекæйы уыдис тымбыл стъол. Æрбахуыдтой йæм скъолаты æмæ техникумты ахуырдзауты. Йæ нысан у æрыгæттæн, карз нозт адæймаджы æнæниздзинадæн цы зиан хæссы æмæ цавæр фæстиуджытæм расайы, уый бамбарын кæнын. Æрбацæуджытæн равдыстой киноныв дæр. Фембæлд саразджыты хъуыдымæ гæсгæ, фæстаг рæстæг карз нозтыл фæцахуыр сты суанг 13-аздзыд кæстæртæ дæр. Уымæ гæсгæ фыццаградон хæс у, рæзгæ фæлтæры хъомыладыл кусын. Ахæм мадзæлттæ æрхъуыды кæнынц алы аз дæр. Фыццаг хатт æрвонгдзинады бон уыдис 1913-æм азы. Уæд йæ саразынЫ хъæппæрис равдыстой Чырыстон дины кусджытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv