Пъæлицæйæгтæ раиртæстой колонимæ наркотиктæ бахæссыны цау

Цæгат Ирыстоны мидхъуыддæгты министрады наркотиктæ уæй кæнынмæ цæстдарæг управленийы кусджытæ раиртæстой колонимæ наркотиктæ бахæссыны цау. Пъæлицæйæгтæ базыдтой, Дзæуджыхъæуы 27-аздзыд цæрæг наркотиктæ ахæстоны бæстыхаймæ баппарын кæй хъæвы, уый. Барадхъахъхъæнджытæ йæм сæ цæст дарын райдыдтой. Æрцахстой йæ колонимæ хæстæг уынгтæй иуыл. Бынæттон цæрæг ма раздæр дæр дæвдтытæ æмæ наркотиктæ уæй кæныны тыххæй дзуапп лæвæрдта тæрхондоны раз. Пъæлицæйæгтæ закъонхалæгæн йæ дзаума куы басгæрстой, уæд æм ссардтой урс ссадхуыз буаргъæд. Криминалистты хатдзæгмæ гæсгæ, уый уыд героин. Йæ бæрц та - дыууæ æмæ 'рдæг граммæй чысыл фылдæр. Закъонхалæг радзырдта, наркотиктæ сисы сæрты баппарынмæ кæй хъавыд. Исгæ та сæ ракодта æмбæхст ранæй. Ныртæккæ нæлгоймаджы ныхмæ байгом кодтой уголовон хъуыддаг Уæрæсейы уголовон кодексы 228-æм статьямæ гæсгæ. Пъæлицæйæгтæ ныртæккæ кусынц, наркотик кæмæн хъуамæ лæвæрд æрцыдаид, уый базоныныл. Арæзт цæуынц слестгæнæн мадзæлттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv