Ногæй йыл бакуæм

7 миллиард сомæй фылдæр хъæуы бахардз кæнын проект  «Мамисон»-ыл. Уый тыххæй фехъусын кодта Цæгат Кавказы хъуыддæгты фæдыл министры хæдивæг Одес Байсултанов. Нæ республикæйы экономикæйы рæзты министр Томайты Хъазбеджы ныхæстæм гæсгæ, проекты æппæт хъæугæ документтæ ныридæгæн сты цæттæ. Инвестортæ ссарыныл дæр бацархайдтой. Разынд амалхъом адæм, проект аразджытæн æхцæйы фæрæзтæ радих кæнынмæ цæттæ чи у. Нæ республикæйы туризмы рæзты агентады сæргълæууæг Карсанты Олег æмбырды архайджыты базонгæ кодта проектимæ. Йæ ныхæстæм гæсгæ, уыцы иу рæстæг, улæфæн базæйы æрбынат кæныны фадат уыдзæн 3 мин адæмагæй фылдæрæн. Уыимæ ма фæзындзæн 3 мин кусæн бынаты дæр. Проектæн уал радих кодтой 100 милуан сомы. Одес Байсултановы ныхæстæм гæсгæ, уыцы фæрæзтæ фаг сты райдайæн куыстытæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv