Уæлахидзауы кадæн

Абон нæ республикæйы цæрджытæн бæрæгбоны фæдыл раарфæ кодта Битарты Вячеслав. Йæ ныхæстæм гæсгæ, Фыдыбæстæйы Стыр хæсты рæстæг йæ райгуырæн бæстæйы сæрибардзинады охыл йæ цард чи нæ бавгъау кодта, уыдоны хъуамæ мысæм æмæ зонæм. Ныртæккæ æфсæддон службæйы чи ис, æмæ нын не `дасдзинад чи хъахъхъæны, уыдоны дæр рох кæнын нæ хъæуы. Парламенты сæрдар Алексей Мачнев та бæрæгбоны фæдыл зæрдæбын арфæтæ ракота Фыдыбæстæйы Стыр хæсты ветеран Мæхъиты Исрафилæн. Мачнев æм уазæгуаты æрбацыд. Фыдыбæстæйы Стыр хæсты рæстæг Исрафил æртæ хатты уæззау цæфтæ фæцис. Уæлахизы боныл дæр сæмбæлд Румынийы госпиталы. Ныр дæр ма йе `уæхсчы хæссы знаджы нæмыг. Ныртæккæ Исрафилыл цæуы 94 азы. Уыдис Сталинграды, Венгрийы æмæ Австрийы, тох кодта Украинæ æмæ Румыни суæгъд кæныныл. Хорзæхджынгонд æрцыд Фыдыбæстæйы Стыр хæсты 1-аг къæпхæны орденæй, дыууæ Сырх стъалыйы ордентæй, радтой йын Кады орден, Æвзист дзуар, Ирыстоны намысы номыл майдан. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv