Æргомæй æмæ комкоммæ

Æргомæй æмæ комкоммæ.. Ахæм хуызы фæнды Битарты Вячеславы фæсивæдимæ аныхас кæнын. Базонын æрыгæтты цы тыхсын кæны, цы хъуыдытæ сæм ис, сæ райгуырæн республикæйы рæзтæн сæ цы скæнын фæнды. уый. Ацы аз ма комкоммæ бастдзинады архайдзысты иннæ регионты æмæ бæстæты чи цæры, уыдон дæр. Фембæлд уыдзæн райсом æмæ йæм куыд цæттæ стæм, уый базыдта не сфæлдыстадон къорд. Бæрнон хъуыддагмæ цæттæгæнæн куыст. Звукорежиссертæ, графикон дизайнертæ, оператортæ. журналисттæ... Алчидæр цæттæ кæны Битарты Вячеслав æмæ фæсивæды фембæлдмæ. Алцыдæр хъуамæ хорз уа. Видеофæрстытæ æмæ æрмæджытæ цы стыр экраныл æвдисдзысты, уый, микрофонтæ, рухс, бадæн бынæттæ. Иунæг аипп дæр хъуамæ ма стыхсын кæна. Республикæйы сæргълæууæг æмæ æрыгæтты *хсæн иунæг техникон къулымпыдзинад дæр хъуамæ ма уа. Битарты Вячеслав фæсивæдимæ комкоммæ æмæ æргом ныхас кæндзæн ЦИПУ-йы концертон залы. Бынат дзы 1000 адæймагæн ис. Цæмæй дард чи цæры. уыдоны бон дæр уа фарста радтын, уый тыххæй комкоммæ бастдзинад уыдзæн республикæйы районтимæ. Ныридæгæн дæр Цæгат Ирыстоны сæргълæууæджы сайтмæ тынг бирæ фарстатæ æрбарвыстой. Битарты Вячеслав 2-аг хатт æмбæлы фæсивæдимæ. Фарон ныхас кодтой спорты галуан "Манеж"-ы. Ацы хатт комкоммæ ныхасы фæтк иу гыццыл аивтой. Зæгъæм, республикæйы сæргълæууæгмæ фарстатæ рагагъоммæ æмбырд кодтой. Уый тыххæй куыста сæрмагонд телефоны номыр æмæ йæм абоны изæры 6 сахатмæ алкæй бон уыд æрбадзурын. Фарста ма æрбарвитæн уыд электрон постмæ. кæнæ социалон хызæгмæ. Йæ къухы кæмæн нæ бафтыд, уыдоны бон та у æрбацæуын райсом æмæ йæ цы тыхсын кæны, уый тыххæй бафæрсын. Æргомæй аныхас кæныны фадат райсом уыдзæн иннæ регионты æмæ бæстæты чи цæры, уыцы фæсивæдæн дæр. Сæ фарстатæ фехъусын кæндзысты Мæскуыйы, Санкт-Петербурджы, турчы æмæ æндæр бæстæты цæрæг ирæттæ. Битарты Вячеславимæ фембæлдмæ æрбацæуын у алкæй бон дæр. Кæй фæнда, уыдоны бон æм комкоммæ бакæсын уыдзæн Национ телекомпани «Осетия-Ирыстон»-ы эфиры, кæнæ йæ сайты iryston.tv.- йы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv