Экологийы фарстатæ

Иугæр адæмы фæрныгад фылдæр кæныны тыххæй дзурæм, уæд æнæ зæгъгæ нæу æндæр ахсджиаг хъуыддаг дæр. Битарты Вячеслав æм уæлдай хъус дары. Экологи! Æрдзы æмæ нæ алфамблайы сыгъдæгдзинад. Уымæн ис йæхи сæрмагонд домæнтæ æмæ сæ республикæйы хицауад хъуамæ æххæст кæна. Уыимæ зоводтæ æмæ куыстуæттæ дæр. Æнæ зæгъæ нæй! Стыр æнтыстдзинадыл банымайын хъæуы - завод «Электроцинк» кæй сæхгæдтой, уый. Бирæ тухæнтæ æрхаста республикæйы цæрджытæн. Æмæ йæ кæд уал азы ницæмæ дардтам, уæд ныр хъуыддаг йæ бынатæй сæнкъуысыд. Уый тыххæй Битарты Вячеслав йæ ныстуаны загъта афтæ. Завод консервацимæ цæттæ кæныны фæтк та ахæм у: Ныртæккæ Электроцинчы фæзуатæй 40 мин тоннæйæ фылдæр æрмæджытæ раластой. Уыцы æрмæджытæ арвитдзысты Уралмæ. Уым та сыл ногæй бакусдзысты. Уымæй уæлдай ма, 2 мæйы æмгъуыдмæ, раластой клинкеры 16 мин тоннæйы. Туагады цехы кусæнгæрзтæ ссыгъдæг кæнынæн сондоны туагады æвæрæн уæгъд кæнынц. Куыстытæ хъуамæ кæронмæ баххæст кæной апрелы кæронмæ. Уый фæстæ та райдайдзысты заводы кæсунгæрзтæ æмæ йæ фæзуат консерваци кæнын. Фæлæ специалисттæ куыд зæгъынц, афтæмæй фæстиуджытæ афтæ тагъд нæ аиуварс кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv