Парламенты Советы æмбырд

Фæсивæдон парламенты ног номхыгъд та сбæрæг кодтой республикæйы парламенты 6-æм æмбырды. Закъонæвæрджытæ йæ сфидар кодтой фыццаг æркасты, уыимæ ивддзинæдтæ бахастой республикæйы ацы азы бюджеты пъланмæ, стæй ма 2019-2020 азты дæр. Ивддзинæдтæ баст сты, республикæйæн уæлæмхасæн фæрæзтæ федералон бюджетæй кæй радих кодтой, уыимæ. Субсидиты нымæц у 183 милуаны æмæ 900 мин сомы бæрц. Парламентариты æмбырды раныхас кодта хицауады сæрдар Тускъаты Таймураз дæр. Уый радзырдта, Уæрæсейы Президент Путины майы указтимæ баст хæслæвæрдтæ республикæйы куыд æххæстгонд цæуынц, уый тыххæй. Фехъусын ма кодта, куыстуæттæ сæ фæллойгæнджыты раз цас хæсджын сты æмæ сын сæ куысты мызд куыд фидынц, уый дæр. Фидæны социалон-экономикон уавæр фæхуыздæр кæнынмæ хъæуы уæлдай æргом аздахын, загъта премьер-министр. Парламенты сæрдар Алексей Мачневы ныхæстæм гæсгæ, хицауады хæс æмæ нысан у хицæн адæймæгтæн ивар фæкъаддæр кæнын, цæмæй уый руаджы республикæйы `фтиæгтæ фæфылдæр уой. РЦИ-Аланийы Парламенты сæрдар Алексей Мачнев: «Мæнмæ афтæ кæсы, æмæ раст фæнысан кодтам нæ куысты пълан. Лыстæгдæр куы æркæсæм, не `фтиæгтæ цæмæй аразгæ сты, уæд, кæй зæгъын æй хъæуы, къаддæргонд хъуамæ æрцæуой ивартæ хицæн адæймæгтæн. Уый хыгъд схæцæн ис акцизтæй ивартыл æмæ æндæр пайдахæссæг куысуæттæй. Хицауады дæр хъæуы уыцы хъуыддагыл бакусын». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv