Куырттаты комы дарддæр йæ куыст кæны æрыгон политологты форум «Дигория»

Куырттаты комы дарддæр йæ куыст кæны æрыгон политологты форум «Дигория». Мадзалы архайджыты бабæрæг кодта республикæйы сæргълæууæг Битарты Вячеслав. Уый республикæйы уазджытæн ракодта арфæ. Сæ куысты фæндагыл æнтыстджынæй куыд цæуой. Куыд бафиппайдта афтæмæй, форум Цæгат Ирыстоны кæй цæуы, уый ахсджиаг хъуыддаг у. Æрыгон политологтæ ма сæмбæлдысты Уæрæсейы президенты раз æхсæнадон проектты управленийы разамонæг Сергей Новиковимæ. Уый куыд радзырдта, афтæмæй ныртæккæ раст хъуыдытæ æмæ концепцитæ адæмы рæгъмæ хæссын ахсджиаг хъуыддаг у. Сергей Новиков, Уæрæсейы президенты раз æхсæнадон проектты управленийы разамонæг: «Ныртæккæйы дуджы нæ алыварс ис тынг бирæ информаци. Адæймагæн хаттгай зын бамбарæн вæййы, раст хъусынгæнинаг кæцы у, уый. Уымæ гæсгæ ацы мадзал тынг ахсджиаг у. Уымæн æмæ адæмы рæгъмæ хъуыддæгтæ раст хæссын у политологты хæс».   _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv