Медицинон академийы уыд конференци "Молодые ученые - медицине", зæгъгæ.

Цæгат Ирыстоны паддзахадон медицинон академийы уыд наукон-практикон конференци "Молодые ученые - медицине", зæгъгæ. Аразынц æй æрвылаз. Конференцимæ сæ наукон кыстытæ бацæттæ кодтой ахургæндтæ Мæскуыйæ, Архангельскæй, Челябинскæй, Оренбургæй, Саратовæй æмæ æндæр регионтæй. Мадзалы амидингæнджытæ сты медицинон академийы æрыгон ахуыргæндты æмæ специалистты совет. Проекты координатор - Битарты Павел. Мадзал уыд дыууæ хайæ арæзт. "Медицинон наукæтæ" æмæ "Фармация". Ацы къабæзты фарстатыл æрдзырдтой бæстонæй. Конференцийы райдиан лекцитæ бакастысты профессортæ Виталий Слепушкин æмæ Кульчиты Æхсарбег. Мадзалы кæронбæттæны архайджытæн радтой сæрмагонд сертификаттæ, бузныджы фыстæджытæ, æмæ зæрдылдарæн лæвæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv