Бакулевы номыл зæрдæйы æмæ дадзинты системæйы хирургийы центры специалисттæ Цæгат Ирыстоны сты кусæг балцы. Сывæллæтты республикон рынчындоны федтой 25 пациенты. Федералон центры æмæ регионты æмгуыстады фæлгæты дохтыртæ ныр 7-æм хатт ссыдысты нæ республикæмæ. Зæрдæйы низтимæ сабитæм æркастысты УЗИ специалист, кардиолог æмæ аритмолог. Цæгат Кавказмæ специалисттæ ссæуынц афæдз дыууæ хатты. Алы регионы дæр вæййынц 2 боны. Цæгат Ирыстоны æркæсдзысты 200 сывæллонмæ. 18 азæй фылдæр цы пациенттыл цæуы, уыдоны мæскуыйаг дохтыртæ исынц 4-æм поликлиникæйы. Ныййарджытæ дохтырты ссыдмæ фенхъæлмæ кæсынц, цæмæй афойнадыл равдисой сæ сывæллæтты ӕмӕ райсой æмбæлгæ амынддзинæдтæ.