Скодтой хатдзæгтæ

Ивгъуыд ахуыры азы хатдзæгтæ æмæ фидæнмæ нысантыл æрдзырдтой абон Цæгат Ирыстоны ахуырады кусджыты радон конференцийы. Архайдтой дзы республикæйы хицауады, æхсæнадон организациты минæвæрттæ, уæлдæр ахуыргæнæндæтты ректортæ æмæ скъолаты разамонджытæ. Ног ахуыры азы райдианы тыххæй ахуыргæнджытæн раарфæ кодта Цæгат Ирыстоны хицауады сæрдар Тускъаты Таймураз. Загъта сын «бузныг», ивгъуыд аз хорз бæрæггæнæнтимæ æмæ æнтыстджынæй кæй арвыстой, уый тыххæй. Ахуырады хуыздæр кусджыты схорзæхджын кодтой республикæйы сæргълæууæджы арфæйы фыстæджытæй. Иу адæймагæн радтой «РЦИ-Аланийы сгуыхт ахуыргæнæджы ном». Конференцийы архайджытæн равдыстой республикæйы фыццаг скъолаты равзæрды, наукæ æмæ ахуырады рæзты тыххæй цыбыр киноныв. Национ проект «Ахуырад» нæ республикæйы куыд кусдзæн, уый тыххæй бæстон радзырдта министр Азымты Иринæ. Йæ ныхæстæм гæсгæ, проекты хæс у иумæйаг ахуырады хæрзхъæддзинады домæнтæм гæсгæ Уæрæсе дунейы 10 хуыздæр бæстæйы номхыгъдмæ бахæссын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv