Хуыздæрты сбæрæг кæндзысты

Дзæуджыхъæуы æвзæрстой хуыздæр тхэквондистты. Турниры уæлахиздзаутæ архайдзысты Цæгат Кавказы æмæ Уæрæсейы ерысты. Спортсменты кар - 12 азæй 17 азы онг кæуыл цæуы, ахæмтæ. Куыд лæппутæ, афтæ чызджытæ дæр. Æдæпппæтæй - 170 архайæджы. 7 апрелы призертæ сæ арæхстдзинæдтæ равдисдзысты Налцыччы Цæгат Кавказы регионты `хсæн ерысты. Майы та абалц кæндзысты Хабаровскмæ, æппæтуæрæсеон къæпхæнмæ. Цæгат Ирыстоны хистæр тренер тхэквондойæ Рашид Шоров куыд бафиппайдта, афтæмæй ацы спорты хуыз нæ республикæйы рæзы. Азæй-азмæ архайджыты нымæц кæны фылдæр. Рашид Шоров, РЦИ-Аланийы хистæр тренер тхэквондойæ: «Нæ спортсментæ сæхи тынг арæхстджынæй равдыстой. Алчидæр йæ фæлтæрддзинад фæбæрзонддæр кодта. Алы архайаг дæр 2 кæнæ 4 тохы бацархайдзæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv