Æфсæддонты схорзæхджын кодтой

58-æм æфсады службæгæнджыты абон схорзæхджын кодтой паддзахадон хæрзиуджытæй. 15 æфсæддонæн балæвар кодтой майдантæ. Сирийы змæстыты рæстæг сæхи æнтысджынæй кæй равдыстой, уый тыххæй. Кадджын мадзал сарæзтой Афицерты хæдзары Æфсæддон советы æмбырды. Саразынц æй 3 мæйы иу хат. Ацы аз æмбырд уыд кæронбæттæн. Абон ма сбæрæг кодтой хуыздæр æфсæддон хайæдды дæр. Балæвар сын кодтой кубоктæ æмæ тырысатæ. Уый фæстæ æмбырды архайджытæ сæ куыстæн хатдзæгтæ скодтой. «2018 азы сарæзтам бирæ сæрмагонд мадзæлттæ, æфсæддон цæттæдзинады æмæ тох кæныны нысанимæ. Уым сæ дæсныдзинад фæхуыздæр кодтой алы æфсæддон хайады службæгæнджытæ. Æфсæддонты арæхстдзандæн аргъ скæндзысты. Æфсæддон хайæдды та 58-æм æфсады номæй ратдзысты лæвæрттæ», — 58-æм æфсады командагæнæнджы хæдивæг Василий Зайцев. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv