Æппæтуæрæсеон адæмон фронты уæнгтæ æмæ бархионтæ æххуыс кæнынц ацæргæ адæмæн коронавирусы ныхмæ тох

Ацæргæ адæмæн коронавирусы ныхмæ тох кæныны рæстæг æххуыс кæнынц Æппæтуæрæсеон адæмон фронты уæнгтæ æмæ бархионтæ дæр. Кусы тагъд æххуысы бастдзинад дæр. 8(800) 200-34-11 номырмæ бадзурæн ис æмæ æххуыс бацагурын. Бархионты рæнхъыты æрлæууын у алкæй бон дæр. Ныридæгæн Штабы архайы 120 адæймагæй фылдæр. 60 азæй фылдæр кæуыл цæуы, уыцы адæмæн Цæгат Ирыстоны æнæкоммерцион уагдæттæ æххуыс кæнынц короновирусы ныхмæ тох кæныны рæстæг. Æппæтæй тæссагдæр у ацы кары адæмæн. Æппæтуæрæсеон адæмон фронт, Æппæтуæрæсеон змæлд «Волонтеры-медики» æмæ бархионты центры ассоциацийы уæнгтæ цæттæ сты се `ххуысы хай бахæссынмæ. Куыдзиаты Зæринæ фыццаг хатт архайы ахæм мадзалы. Ахуыр кæны Цæгат Ирыстоны Паддзахадон университеты стоматологон факультеты. Ацы хъуыддаджы тыххæй фехъуыста йе `мбæлттæй æмæ сфæнд кодта бацархайын. Куыд бафиппайдта, афтæмæй бархионты куыст тынг ахсджиаг у. Куыдзиаты Зæринæ, бархион: «Мæн мæхи бафæндыд ацы хайы уæнг суæвын, уымæн æмæ мæ фæнды адæмæн, мæ бон цæмæй у, уымæй баххуыс кæнын. Уæлдай дæр та хистæр кары адæмæн. Æмбарын сын кæнын, короновирусы ныхмæ хи куыд бахъахъхъæнын хъæуы, уый. Уымæй уæлдай ма, скъолатæм дæр цыдыстæм, лекцитæ сын кæстыстæм, презентацитæ-иу скодтæм». Цæгат Ирыстоны Короновирусы ныхмæ арæзт цæуынц алыхуызон мадзæлттæ. Æппæтуæрæсеон адæмон фронты уæнгтæ ацæргæ адæмæн баххуыс кæныны фæдыл Цæгат Ирыстоны медицинон академийы сарæзтой сæрмагонд штаб. Уым архайыны бар ис алкæмæн дæр. Ныридæгæн штабы ис 120 бархионæй фылдæр. Фидæны республикæйы районты дæр сараздзысты ахæм бархионты штаб. Бархионтæ архайынц æртæ къордæй. Алчидæр сæ кæны сæрмагонд куыст æмæ сын æй снысан кæнынц штабы. Сæйрагдæр, искуыдæм бацæугæйæ хи бахъахъхъæнын куыд хъæуы, уый бархионтæн амонынц Роспотребнадзор æмæ Æнæниздзинад хъахъхъæнынады министрады кусджытæ дæр. Айларты Эмилия _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv