Алагиры 3-æм скъолайы ахуыргæнджытæ систы конкурс "За нравственный подвиг учителя"-йы уæлахиздзаутæ
Ахуыргæнæджы куыст куыд ахсджиаг æмæ бæрнон у, уый Кцойты Маринæ йæхиуыл раджы банкъардта. Сабитæн зонындзинæдты дунемæ фӕндаг амоны ныр 25 азы дæргъы. Йæ урокты алы скъоладзау дæр ныфсджын у, уымæн æмæ зоны - ам æй уарзынц, йæ цæстæнгас ын нымайынц. Райдайæн кълæсты скъоладзаутæн уый ахсджиаг у. Æмæ ахæм хъуыды Алагиры 3-æм скъолайы æрмæст Маринæмæ нæй. Ахургæнæг уа, директор, кæнæ ахуырадон хайады хицау: æппæтмæ дæр иу нысан ис - аккаг адæймæгты схъомыл кæнын, райгуырæн зæхх куыд уарзой, сæ бирæ зонындзинæдтæй Фыдыбæстæйы рухс фидæны сæрапопонд куыд пайда кæной. Ам рæзгæ фæлтæры зонгæ кæнынц ирон æгъдау, уыимæ бæстæйы историимæ. Æрæджы педагогтæ архайдтой Æппæтуæрæсеон конкурс "Ахуыргæнæджы хæрзæгъдау сгуыхтдзинад", зæгъгæ. Скъолайы ахуыргæнджытæ систы регионты 'хсæн къæпхæны хуыздæртæ. Сæ куысты сæргонд - "Мæ Ирыстон - стыр бæстæйы хай", зæгъгæ. Æрмæг æмбырд кодтой алы предметæй дæр, фæлæ архайдтой иумæ. Раргом кодтой æртæ здæхты: патриотизм, бинонты ахсджиагдзинад æмæ Уæрæсейы традицион динтæ. Афтæмæй къухы бантыст фæсурокты ахуырты методикæ саразын. Ног методикæйæ пайда кæндзысты скъолайы æппæт ахуыргæнджытæ дæр. Сывæллæттæн кæрæдзиимæ хорз ахастдзинæдтæ куы уа, сæ ӕгъдауæй кæмдæриддæр бæрæг куы дарой, уæд ма уымæй хуыздæр цы ис?
Ахуыргæнæджы куыст куыд ахсджиаг æмæ бæрнон у, уый Кцойты Маринæ йæхиуыл раджы банкъардта. Сабитæн зонындзинæдты дунемæ фӕндаг амоны ныр 25 азы дæргъы. Йæ урокты алы скъоладзау дæр ныфсджын у, уымæн æмæ зоны - ам æй уарзынц, йæ цæстæнгас ын нымайынц. Райдайæн кълæсты скъоладзаутæн уый ахсджиаг у. Æмæ ахæм хъуыды Алагиры 3-æм скъолайы æрмæст Маринæмæ нæй. Ахургæнæг уа, директор, кæнæ ахуырадон хайады хицау: æппæтмæ дæр иу нысан ис - аккаг адæймæгты схъомыл кæнын, райгуырæн зæхх куыд уарзой, сæ бирæ зонындзинæдтæй Фыдыбæстæйы рухс фидæны сæрапопонд куыд пайда кæной. Ам рæзгæ фæлтæры зонгæ кæнынц ирон æгъдау, уыимæ бæстæйы историимæ. Æрæджы педагогтæ архайдтой Æппæтуæрæсеон конкурс "Ахуыргæнæджы хæрзæгъдау сгуыхтдзинад", зæгъгæ. Скъолайы ахуыргæнджытæ систы регионты 'хсæн къæпхæны хуыздæртæ. Сæ куысты сæргонд - "Мæ Ирыстон - стыр бæстæйы хай", зæгъгæ. Æрмæг æмбырд кодтой алы предметæй дæр, фæлæ архайдтой иумæ. Раргом кодтой æртæ здæхты: патриотизм, бинонты ахсджиагдзинад æмæ Уæрæсейы традицион динтæ. Афтæмæй къухы бантыст фæсурокты ахуырты методикæ саразын. Ног методикæйæ пайда кæндзысты скъолайы æппæт ахуыргæнджытæ дæр. Сывæллæттæн кæрæдзиимæ хорз ахастдзинæдтæ куы уа, сæ ӕгъдауæй кæмдæриддæр бæрæг куы дарой, уæд ма уымæй хуыздæр цы ис?