Петр Барбашовы цыртдзæвæныл сæвæрдтой дидинджытæ

Абон Цæгат Ирыстоны æрымысыдысты, Дзæуджыхъæу немыцаг фашисттæй суæгъд кæнынæн стыр ахъаз чи фæци, уыцы хъæбатырты. Кадджын мадзал уыди Петр Барбашовы цыртдзæвæны цур. Монументыл дидинджытæ сæвæрдтой нæ республикæйы сæргълæууæг Битарты Вячеслав, ветеранты Советы уæнгтæ æмæ министрадты минæвæрттæ. Адæм дзы иу минут æдзæмæй алæууыдысты. Уыцы бынаты Сырхæфсæддонтæ æмæ мидхъуыддæгты адæмон комиссарады уæнгтæ æрлæууыдысты знаджы ныхмæ. Хъæбатыр сыбираг лæппу та, йæ цард нæ бавгъаугæнгæйæ, йæ пъолчы æфсæддонтæн баххуыс кодта. Петр Барбашовы ном æнустæм цæргæйæ баззайдзæн адæмы зæрдæты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv