8,17 аздзыд сывæллӕттӕ цы бинонты ис, уыдонӕн æрвылмæйон фиддонты тыххæй Владимир Путин бафыста указ

8 - 17 аздзыд сывæллӕттӕ цы бинонты ис, уыдонӕн æрвылмæйон фиддонты тыххæй Уæрæсейы президент Владимир Путин бафыста указ. Уый тыххæй информаци фæзынд барадон сайты. Фиддонты бæрц уыдзæн 50, 75 æмæ 100 проценты регионы сывæллæттæн фæцæрынæн æппын къаддæры бæрцæй. Фыццаг фиддонтæ лӕвӕрд ӕрцӕудзысты майы. Хицауады уæнгтæ ныртæккæ фидар кæнынц æмбæлгæ гæххæттыты хыгъд. Паддзахадон æххуыс райсыны фæдыл курдиат бадæттæн уыдзæн бирæвæрсыг центртæ æмæ паддзахадон лæггæдты порталы. Уымæй уæлдай ма хицауад æмбæлгæ финансон æххуыс бакæндзысты регионтæн. Президенты ацы уынаффæ бахаудзæн, нырмæ цы æххуысы мадзæлттæ снысан кодта, уыдонмæ. Раздæр Уæрæсейы ныффидар кодтой æрвылмæйон фиддонтæ æнхъæлцау сылгоймæгтæ æмæ æххуысцух бинонтæн. Уымæй уæлдай ма паддзахадон æххуыс райсынц 8 азæй 16 азы кары сывæллæттæ иунæгæй цы наййарджытæ хъомыл кæнынц, уыдон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv