УФ-йы регионты сæргълæуджыты куыстæн аргъ кæндзысты экологон уавæрмæ гæсгæ

Уæрæсейы æрдзхъахъхъæнынады министрад аргъ кæндзысты регионты сæргълæуджытæн субъектты сыгъдæгдзинадмæ гæсгæ. Уый тыххæй министрады официалон сайты фæзынд сæрмагонд сыф «Оценка губернаторов», зæгъгæ, номимæ. Ам иу фæзындзæн регионты разамонджыты æрдз хъахъхъæныны куыстæн хатдзæгтæ. Ацы бæрæггæнæнтæ куыд нымад цæудзысты, уый тыххæй дæр сайты сыфыл фыст ис. Ахæм фæтк сфидар кодта нæ бæстæйы хицауад ацы аз июлы. Уымæ гæсгæ кæсынц, куыд цæуы регионты куыст уæлдæф, цæугæ æмæ лæугæдæттæ бахъахъхъæныны хъуыддаджы, стæй хауæццæгтимæ дæр куыд кусынц, уымæ. Уæ зæрдыл уын æрлæууын кæндзыстæм, алфамблайы дунейы сыгъдæгдзинад у Уæрæсейы субъектты разамонджыты куыстæн аргъгæнæг 15 бæрæггæнæнæй иу. Æрвылмæй Уæрæсейы хицауад 1-æм маймæ араздзæн регионты сæргълæуджытæн куысты хатдзæгтæ. Уыдонмæ гæсгæ сын-иу радих кæндзысты гранттæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv