Мысæн бон

Абон нæ бæстæйы у мысæн æмæ хъыггæнæн бон. 1941-æм азы 22-æм июны æрцыд историон æмæ зæрдæхалæн цау. Немыцаг æфсæдтæ æрбабырстой Советон цæдисмæ. 78 азы размæ райдыдта Фыдыбæстæйы Стыр хæст. Хъæбатырæй дзы фæмард 72 милуан адæймаджы. Цæгат Ирыстонæй Фыдыбæстæ бахъахъхъæнынмæ ацыд 90 мин адæймаджы. Йæ хæдзар дзы нал ссардта алы дыккаг дæр. 79-æн дзы лæвæрд æрцыд Советон Цæдисы Хъæбатыры ном. 12 та систы Намысы ордены æххæст кавалертæ. Нæ республикæйы абон цæуынц мысæн мадзæлттæ. Уыдоны бацархайдтой Цæгат Ирыстоны сæргълæууæг Битарты Вячеслав, хицауады уæнгтæ, министрадты минæвæрттæ æмæ æхсæнадон архайджытæ. Мадзалы архайджыты хсæн уыд не сфæлдыстадон къорд дæр. Бакæсæм сын сæ æрмæгмæ. Фыдыбæстæйы Стыр хæсты чи фесæфт уыдоны ном сарынмæ, Барабашовы номыл фæзмæ æрбацыд бирæ адæм. Ам 1942 азы Дзæуджыхъæумæ `ввахс цыд тугкалгæ хæст. Мысæн æмæ хъыггæнæн бон адæм зæрдылдарæн бынатмæ хастой дидинджытæ, ссыгътой цырæгътæ. Хуссар федералон зылды 58-æм æфсады къамандыгæнæг, инæлар-майор Сергей Рыжков: «Дыууын дыккæгæм июны мин фараст сæдæ цыппор фыццæгæм азы уæрæсейы у хъыггæнæн бон. Фыдыбæстæйы стыр хæсты райдиан. Ацы бон хъуамæ нæ зæрдыл дарæм. Рох нæ не сты хæсты быдыры цы хъайтартæ фесæфтысты уыдон. Советон цæдисы салдæтты хъæбатырдзинадæй мах сæрыстыр стæм». Кадджын мадзал куыд æгас Уæрæсейы афтæ Цæгат Ирыстоны дæр райдыдта боны 12 сахатыл. Æфсæддон æфсымæрон ингæнтæй раздæр зæхх сæмбырд кодтой. Абон æй нывæрдтой сæрмагонд салдаты чыссæты. Арвитдзысты йæ Уæрæсейы Гæрзивтонг тыхты сæйраг аргъуынмæ, Мæскуымæ. Салдæтты чыссæтæ нывæрдзысты гильзæты æмæ дзы равæрдзысты «Памяти и скорби»,зæгъгæ фæндаг. Цæгат Ирыстоны ис 112 æфсымæрон ингæны. Уымæ гæсгæ кадджын мадзæлттæ сарæзтой нæ республикæйы алы районы дæр. Мадзалы архайдта Цæгат Ирыстоны сæргълæууæг Битарты Вячеслав. Уый ветерантæн бузныг загъта, сæ хъæбатырдзинады тыххæй. Куыд бафиппайдта, афтæмæй Фыдыбæстæйы Стыр хæсты цаутæн рох кæнæн нæй. Фæсивæды разæнгард кæнын хъæуы цæмæй ахæм мысæн мадзæлтты архайой. Уæрæсейы Гæрзифтонг тыхты аргъуан аразынц Мæскуйы. «Патриот», зæгъгæ парчы. Арæзтадон куыстытæ сæ тæмæны бацыдысты. Ныридæгæн фыццаг уæладзыг срæвдз ис. Нывгæнджытæ йæ аив кæнынц. Бæстыхай аразынц Уæрæсейы цæрджыты хардзæй. Аргъуан байгом кæндзысты 2020 азы 9-æм майы. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv