Сергей Меняйло фембæлд Уæрæсейы хъæууон-хæдзарадон банчы разамынды минæвар Денис Константиновимæ

Социалон-экономикон райрæзты, стæй адæмы царды уавæртæ хуыздæр кæныны фарстатыл ныхас кодтой сæрмагонд кусæг фембæлды рæстæг республикæйы сæргълæууæг Сергей Меняйло æмæ Уæрæсейы хъæууон-хæдзарадон банчы разамынды минæвар Денис Константинов. Сергей Меняйло куыд фæнысан кодта, афтæмæй фæстаг цалдæр азы Цæгат Ирыстон æвдисы хорз бæрæггæнæнтæ хъæууон-хæдзарадон къабазы райрæзты. Уымæ гæсгæ, республикæйы разамынды фæнды æххуысы фæрæзтæ парахатдæр кæнын. Уæрæсейы хъæууон-хæдзарадон банчы разамынды сæрдары хæдивæг Денис Константинов куыд загъта, афтæмæй цæттæ сты ацы фарстайы республикæйы фарсмæ ӕрбалæууынмæ. Хæстæгдӕр рæстæг республикæ банкимæ бафысдзæн æмгуыстады бадзырд. Лæмбынæгæй дзы фæнысан кæндзысты бæлвырд фарстатæ. ________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv