Планетарийы рацарæзт кæронмæ фæхæццæ кæны

Планетарийы рацарæзт Цæгат Ирыстоны кæронмæ фæхæццæ кæны. Йæ байгоммæ Дзæуджыхъæуы цæрджытæ рагæй æнхъæлмæ кæсынц. Планетарий, йемæ ма космонавтикæйы шкъола дæр, йæ дуæрттæ чысыл зондабитæн байгом кæндзæн февралы райдиан. Ног планетарийы сывæллæттæ æмæ сæ хистæртæ фендзысты хуры системæйы хуызæг. Космосы сусæгдзинæдтæ сывæллæттæ ахуыр кæндзысты нырыккон кусæнгæрзтыл. Проекторты æххуысæй сæ бон уыдзæн фенын стъалытæ æмæ бакæсын космосы тыххæй ист кинонывтæм. Уыимæ ма, Планетарийы ис дыууæ телескопы, мин хатты бæлвырддæр чи ’вдисы, ахæмтæ. Планетарийы ис космосы нау «Аполлон» æмæ фидæны космосы ядерон установкæйы макеттæ. Бæстыхайы сæрыл та сарæзтой фæлладуадзæн бынат гранитæй конд планетæтимæ. Дзæуджыхъæуы аивæдты училищæйы студенттæ та къуырийы дæргъы кусынц къулты макет æмæ дизайныл. Саив сæ кæндзысты космосон тематикæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv