Акци «Час Земли»

Мартъий фæстаг сабаты æппæт дунейы арæзт цæуы акци «Час Земли», зæгъгæ. Æппæтадæмон акцийы бацархайынц алыхуызон бæстæтæ æмæ организацитæ. Ацы бон ныхасгонд рæстæг иу сахатма ахуыссын кæнынц рухс æмæ электрон тыхæй цы прибортæ кусынц, уыдон. Акцийы сæйраг нысан у - электрон тыхы фæстауæрц кæныныл бакусын. Ахæм акци фыццаг сарæзтой Австралийы горæт Сиднейы. Сарæзтой йæ хъæддаг æрдзы æппæтдунеон фонд æмæ газет «The Sydney Morning Herald». Уый фæстæ акцийы архайын райдыдтой 35 бæстæйы. Фæнысан кæндзынæн уый, æмæ Уæрæсе ацы акцийы райдыдта архайын 2009 азы. уæд æмбæлгæ рæстæг æнæ рухсæй аззадысты на бæстæйы 20 регионы. Уæдæ æгас дунейы та ацы сахатмæ рухсдæттæн системæтæ ахуыссын кæнынц Сан-Францискойы хид «Золотые ворота», Парижы æфсæйнагæй мæсыг «Эйфель», Нью-Йоркы Эмпайр-стейт-билдинг, Санкт-Петербурджы Эрмитаж, Мæскуыйы Кремль, Сиднейы оперон театр, Италийы Колизей, Лондоны Биг-Бен æмæ æндæр зындгонд объекттæ. Цæмæй æдасдзинад къуылымпыгонд ма рцæуа, уый тыххæй светофортæ, уынгтæ æмæ ахсджиаг социлон бæстыхæйтты рухс судзгæйæ баззайы. Абон акци райдайдзæн 20 сахат æмæ 30 минутыл. Фарон аз ацы глобалон фарстамæ куыд фæндыйы цæстæй чи нæ кæсы, уыдон нымæц уыд 2 миллиарды. Уæд рухс ахуыссын кодтой дунейы 18 мин бæстыхайы. Уæрæсейы ныридæгæн акцийы архайы 200 горæтæй фылдæр. Æппæты хуыздæр дзы  2018 азы йæхи равдыста горæт Липецк. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv