Нал нæ ныууаддзæн

Уæрæсейы синоптикты информацимæ гæсгæ, райсом æмæ иннæбон, 19-æм æмæ 20-æм апрелы Цæгат Ирыстоны цæхгæр фæуазал уыдзæн. Ахæм информаци ма хъусын кодтам знон дæр. Абон æй фæбæлвырд кæндзыстæм. Куыд базыдтам, афтæмæй уæлдæфы температурæ æрхаудзæн 4 градусы онг уазалмæ. Ма фæдис кæнут, фæлæ нын ахæм лæвар ракæндзæн ацы азы уалдзæджы апрель. Абон дæр бæрæг дардта, боныхъæд кæй аивдзæн, уый. Æнæхъæн бон уары къæвда, æмæ ахсæв банцайа, уый дæр дыууæйыл у. Æрмæст ма нæ зæрдæ дардзыстæм ууыл, æмæ рæхджы кæд фæхъармдæр уаид. Æппынфæстаг, æрдзæн дæр афон у, зымæгæн йæ кæрон кæй æрцыд, уый бамбарын. Адæмæн сæ уалдзыгон куыстытæ йæ хивæнд миты тыххæй æнæкондæй куыд хъуамæ баззайой? Æмæ цæмæй уæ зæрдæ истæмæй барухс уа, уый тыххæй ма бафтаудзыстæм: ацы уазал зымæг æмæ рагуалдзæгæн уыдзæн фæстаг. Хъуамæ ныр хуры тынтæ нæ бæстыл атулой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv