Премьерон равдыст

Ивгъуыд фæлладуадзæн бонты Евгений Вахтанговы номыл театры уыд музыкалон спектакль «Приличные девушки»-йы премьерæ. Аивадуарзджыты зæрдæмæ тынг фæцыд. Равзæрын сæм кодта алыхуызон æнкъарæнтæ: чи худгæ фæкодта, иннæтæ ферхæндæг сты, иуæй-иутæ та сæ цæссыгтæ дæр баурæдтой. Уæлдай тынгдæр та разыйæ баззадысты артисттæй. Сценæйы дæснытæ сæхæдæг куыд зæгъынц, афтæмæй спектакль бацæттæ кæнын æнцон нæ уыд. Ахуыр кодтой музыкалон инструменттыл цæгъдын, зарын æмæ кафыныл. Ростовæй хореограф Сергей Никульшин артистты арæхстдзинадыл куыста æрвылбон. Спектаклы режиссер Богдан Петканины та æрбахуыдтой Болгарийæ. «Приличные девушки» у йæ цыппæрæм спектакль Цæгат Ирыстоны. Йæ къухы бафтыд, республикæйы цæрджытæн уарзон чи ссис, ахæм спектакльтæ сæвæрын. Ацы хатт дæр та сæ номхыгъдыл бафтдзæн. Режиссер Богдан Петканин: «Спектакль уыд цымыдисаг æмæ алывæрсыг. Артисттæ заргæ дæр кæнынц, музыкалон инструменттыл дæр цæгъдынц. Драматургион æгъдауæй дæр уæдæ се `нцонтæй нæ уыд. Æз уырыссаг, ирон æмæ болгайраг театртæ кæрæдзийæ нæ хицæн кæнын. Уымæн æмæ иу дæсныйады кусæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv