Хъæууон хæдзарадæн æххуыс

Цæгат Ирыстоны уæлдай æргом аздæхтой дыргътæ æмæ халсартæ зайын кæнынмæ. Ныртæккæ республикæйы ацы хъуыддагæн радих кодтой 20 гектары зæхх. Цæгат Ирыстоны сæргълæууæг Битарты Вячеслав бабæрæг кодта теплиццæты хæдзарад агрокомбинат «Экосфера» Куыстуаты фыдæбон кæнынц 70 адæймаджы. Йæ фæзуат у æртæ гектары. Комплекс ифтонггонд у автоматикон кусæнгæрзтæй. Специалисттæ куыд зæгъынц афтæмæй бонмæ сæмбырд кæнынц 5 тонны джитъритæ. Битарты Вячеслав куыд фæнысан кодта афтæмæй нæ республикæйы ахæм технологитæй дарддæр дæр пайда кæнын хъæуы. Уымæй уæлдай ма Битарты Вячеслав уыд «Владка»-йы дыргъдæтты Црауы. Фыццаг талатæ куыстуат ныссагъта 2017 азы. Йæ проект арæзт у италиаг технологитæм гæсгæ. Абоны бонмæ дыргъдоны фæткъуы бæлæстæ апарахат сты 74 гектарыл. Куыстуаты генералон директор Владимир Печеный Битарты Вячеслвæн радзырдта инвестицитæ æмæ фидæнмæ пълæнтты тыххæй. Куыстуаты Разамонæджы ныхæстæм гæсгæ ивгъуыд аз тыллæг сæмбырд кодтой 400 тоннæйы. Дыргъты иу хайæ спайда кодтой Цæгат Ирыстоны иннæ хай та арвыстой регионтæм. Уымæй уæлдай ма фæнд кæнынц 5 тоннæйы кæм цæуа ахæм дыргътæ æмбырдгæнæн саразын. Инвестицион проекты фæлгæты фæнд кæнынц дыргътæ æмæ гагадыргътæ зайын кæнын. Йе руаджы ма фæзындзæн ног куысты бынæттæ дæр. Владимир Печеный ма Битарты Вячеславæн радзырдта фидæны æгас Советон Цæдисы нæ бæстæйы зындгон алагираг фæткъуыйы мыггаг кæй фæнд кæнынц ныссадзын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv