Газпромы специалисттæ сбæрæг кодтой мемориалты æнусон æртыты газы системæты куыст

Фыдыбæстæйы Стыр хæсты хъайтарты номыл ацы арт хъуамæ æнусмæ судза. Фæтæгены цырагъ куыстытæ æххæстгæнæнгæйæ æнæмæнг хъæугæ у. Арты хай бафснайынц сæрмагонд бынаты, æрмæст уый фæстæ аххуысын кæнынц газ. Архайд бирæ хъару домы. Згъæрæй конд кæхцæн арæхстгай йæ бынат аивынц. Йæ уæз 40 киллограмæй фылдæр у. Уый фæстæйæ йæ ныссыгъдæг кæнынц. Арæх дзы згъæрæхца дæр ссарынц. Бирæтæ сæ рæдыдæй æнусон арты хуыздæр цардмæ бæлгæйæ ныппарынц. Газы компанийы кусджытæ куыд радзырдтой, афтæмæй судзæн кæддæр се 'мкусджытæ сæхи къухтæй сарæзтой арты æрдзон хуыз бахъахъхъæнынæн. Фыццаджыдæр ныссыгъдæг кæнынц æмæ базилынц Дзæуджыхъæуы Намысы Мемориалы Æнусон артмæ. Æдæппæтæй Цæгат Ирыстоны ис 55 ахæм объекты. Куыстытæ дзы фæцæуынц Уæлахизы боны агъоммæ. Иу бæрæг ма сæ бакæнынц фæззæджы. Боны дæргъы газы службæйы кусджытæ газы судзæнтæ иууылдæр сбæрæг кодтой. Процедурæйæн бирæ рæстæг нæ бахъæуы, уымæн æмæ алы Æнусон артмæ цæстдард æппынæдзух ис. Специалисттæ йæ сæ хæсыл нымайынц, уæлдай кады аккаг сын у нæ æдзард хъæбатыртæн ахæм хуызы кæй лæггад кæнынц, уый.