Ираны республикæйы æххæстбарджын минæвар схорзæхджын кодта цæгатирыстойнаг минæвæртты кады гæххæттыт

Ираны Республикæйы æххæстбарджын минæвар Уæрæсейы Федерацийы Мехди Санаи персайнаг æвзаджы иртасæн куысты тыххæй Цæгат Ирыстоны Паддзахадон университет схорзæх кодта бузныджы фыстæджытæй æмæ зæрдылдарæн лæвæрттæй. Мадзал ацыд иранисттæ æмæ Уæрæсейы персайнаг æвзаджы ахуыргæнджыты форумы фæлгæты. 2016 азæй ЦИПУ Иранимæ æмгуыст кæны цалдæр иумæйаг программæйыл. Афæдзæй-афæдзмæ уæлдæр ахуыргæнæндæтты бастдзинæдтæ фидарæй-фидардæр кæнынц. Мехди Санаи нæ республикæйы уазæгуаты уыд цалдæр хатты. Сæрмагондæй 2017 азы, Цæгат Ирыстоны наукон конференци «Иран æмæ Цæгат Кавказ» куы сарæзтой, уæд. Цæгат Ирыстон æмæ Иран кæрæдзиуыл бæттынц историон æмæ культурон хæлар ахастдзинæдтæ. Дзæуджыхъæуы уыд персайнæгты стыр æхсæнад. Революцийы размæ та нæ республикæйы уыд Персийы консулад. Ныртæккæ дæр нæм æнтыстджынæй кусы ирайнаг культурæйы Центр, ахуыр дзы кæнынц персайнаг æвзаг. Форумы архайдтой иранисттæ Уæрæсейы алы регионтæй. Æрдзырдтой 2019 азы куысты хатдзæгтыл æмæ фидæны куыстыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv