Клиникон рынчындоны уавæр

Республикон клиникон рынчындон та ногæй дзырддаг сси. Дзæбæхгæнæндоны сæйраг дохтыр æмæ эндоурологийы хайады сæргълæууæджы ныхас кæрæдзийыл нæ бады. Сæйраг дохтыры хæстæ æххæстгæнæджы ныхæстæм гæсгæ рынчындоны штаты хицæнæй эндоурологийы хайад нæй.  Уыргты дуртæ мургæнæн хайад та йæ куыст куыд æмбæлы, афтæ не `ххæст кодта. Уымæ гæсгæ йæ сæхгæдтой. Байгом æй кодтой 1991 азы æмæ уайтагъд сси нæ бæстæйы хуыздæртæй иу. Фæлæ рæстæг куыд цыд, афтæ медицинон аппараттæ æмæ кусæнгæрзтæ дæр базæронд сты. Ногтæй та сын зæрдæ ничи æвæры. Дохтыртæн сæ бон куыд æмбæлы афтæ кусын нал уыд. Кæд-иу раздæр афæдзмæ 400 операцийы кодтой, уæд ныр иу скæнын дæр сæ бон нæу. Йæ уыргты дуртæ ныммур кæнын кæмæн хъæуы, уыцы рынчынтæн ныр æххуыс кæнынц Беслæны медицинон центры. Республикон клиникон рынчындонмæ адæймаг куы `рбахауы, уæд йæ райсынц, специалисттæ йæм æркæсынц. Æнæ лыгæй операци скæнын кæмæн бахъæуы, уыдонæн æй эндоурологтæ скæнынц. Ома, иунæг адæймаджы дæр нæ арвитынц. Специалисттæ куыд куыстой, афтæ кусынц. Фæлæ эндоурологон хайад дарынæн рынчындоны фадат нæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv