Æмгуыстады гæнæнтæ

Кадртæ æвзарæн политикæ æмæ паддзахадон, муниципалон лæггæдтæ дæттыны куыст куыд фæхуыздæр кæнæн ис нæ республикæйы? Ацы фарстатыл æрдзырдтой Цæгат Ирыстоны хицауады сæрдар Тускъаты Таймураз Татарстайнаг консалтингон компанийы разамындимæ фембæлды. Компанийы генералон директор Галина Маштакова радзырдта сæ организацийы дыууæ вазыгджындæр проектты тыххæй - Кадрон резерв саразыны æмæ паддзахадон лæггæдты стандарттæ банывыл кæныны тыххæй. Фыццаг проекты ныхас цæуы 20 разамынддæттæг кусæджы федералон æмæ регионалон хицауады органтæм бацæттæ кæныныл. Дыккаджы та - паддзахадон æмæ муниципалон кусджыты куысты хæрзхъæддзинад фæхуыздæр кæныны тыххæй. Презентацийы фæстæ Галина Маштакова рахаста ацы проекттæ иу егъау программæйы баиу кæныны хъæппæрис. Тускъаты Таймураз йæ фарс рахæцыд. Нæ республикæйы проект арæзт цæудзæн 3 министрады. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv