Конкурс «Стъалыты гуыппар»

Дзæуджыхъæуы сарæзтой сидзæр сывæллæтты сфæлдыстадон конкурс. «Стъалыты гуыппар» — афтæ хуыйны æвзонг артистты æркаст. Конкурс раргом кодта сидзæр сывæллæтты курдиат. Аивадон ерысты архайдтой республикæйы сывæллæтты хæдзары æмæ интернатты хъомылгæнинæгтæ. Сæ дæсныйадæн сын аргъ кодтой жюрийы уæнгтæ. Уыдысты нæ республикæйы культурæйы сгуыхт кусджытæ, артисттæ, ахуыргæнджытæ, ахуырад æмæ наукæйы министрады минæвæрттæ. Сæ кармæ гæсгæ «стъалытæ» дихгонд æрцыдысты æртæ къæпхæныл: 7 азæй 10 азы онг; 11-æй 13 азмæ æмæ 14 азæй-17 азы онг кæуыл цæуы, ахæм сывæллæттæ. Уæлахиздзауты схорзæхджын кодтой кады гæххæттытæй æмæ зæрдылдарæн лæвæрттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv