Дзæуджыхъæуы пъæлицæйæгтæ æрцахстой, фатертæй æхцайы фæрæзтæ чи давта, ахæм закъонхалæджы

Дзæуджыхъæуы пъæлицæйæгтæ æрцахстой, фатертæй æхцайы фæрæзтæ чи давта, ахæм закъонхалæджы. Æмткæй райсæгæйæ адæмæн зиан æрхаста 250 мин сомы бæрц. Слестгæнæн-агурæн мадзæлтты фæлгæты, барадхъахъхъæнджытæ æрцахстой 38-аздзыд нæлгоймаджы. Куыд рабæрæг, афтæмæй раздæр ма закъоны сæрты ахызт. Бавдæлыд æмæ та ногæй, Суворовы номыл уынджы цы хæдзæрттæ ис, уыдонæй иумæ бахъуызыд. Дуæрттæ æхгæд нæ уыдысты. Цалынмæ хæдзары хицæуттæ фынæй кодтой, уæдмæ давæгой раафтид кодта, цы хызын ссардта, уый. Уым та уыди 100 мин сомы æмæ 300 доллæры. Йæхима ма æрæфснайдта документтæ, банчы картæтæ, зæрингуырдæй конд дзауматæ, стæй хæдтулгæйы æмæ фатеры дæгъæлтæ. Уый фæстæ йæхи æддæмæ айста. Райсомæй хæдзары хицæуттæ фæфæдис сты пъæлицæйæгтæм. Уыдон давæгойы фæдыл рацыдысты. Æрцахстой йæ. Куыд ма рабæрæг кодтой, афтæмæй давæгой ахæм закъонхæлдтытæ иу æмæ дыууæ хатты нæ сарæзта . Арыдойнаг уынджы цæрæгæй адавта чырæ телефон, йæ аргъ 100 мин сомæй фылдæр. Уыдæттæ хынцгæйæ слестгæнджытæ байгом кодтой уголовон хъуыддаг Уголовон кодексы 158-æм статьямæ гæсгæ, «Кража», зæгъгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv