Йæ цардæй ахицæн Цæгат Ирыстоны адæмон артист Тлаттаты Бексолтан

Райдайдзыстæм æнкъар хабарæй. Йæ цардæй ахицæн Цæгат Ирыстоны адæмон æмæ Уæрæсейы Федерацийы сгуыхт артист Тлаттаты Бексолтан. Адæмæн уарзон актер сценæйæн радта 70 азæй фылдæр. Йæ дæсныйад равзæрста Ирон театры фыццаг къахдзæфтимæ. Æгæрон æвæрæн бахаста ирон театры сфæлдыстадон къæбицмæ. Ахъазыд 150 спектаклæй фылдæры. Йæ репертуары уыд «Сослан Царазон», Плиты Грисы «Чермен», Солым - «Хъæздыг хæдзарæй», Макдуф - «Макбет», Беса - Амранæй. Бексолтан йæ цардвæндаг равзæрста хæрз æрыгонæй, театрæн кад кодта йæ амæлæты бонмæ. Стыр курдиаты хицау Бексолтан кæстæртæн уыд уæздан хистæр. Комеди уа, трагеди, æви драмæ, артист-иу йæ алы сурæты дæр бацард æмæ иу адæмы дæр баууæндын кодта. Цы сурæттæ снывæзта уыдон мыггагмæ баззайдзысты ирон аивады бæркадджындæр æвæрæнты. Бексолтанæн йæ сфæлдыстадон фæндаг уыд дæргъвæтин. Уарзон артист адæмы зæрдæты цæрдзæн æнусты. Йæ ном сыгъзæрин дамгъæтæй бафыста ирон театры историйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv