Йæ цардæй ахицæн Республикон пульмонологон центры сæйраг дохтыр Хæмæтаты Зауырбег

Уæззау хабар. Йæ цардæй ахицæн Республикон пульмонологон центры сæйраг дохтыр Хæмæтаты Зауырбег. Цыди йыл 35 азы. Зындгонд дохтыр Хæмæтаты Батырбеджы фырт, равзæрста йæ фыды дæсныйад. Йæхи равдыста дæсны специалистæй. Коронавирусы пандемийы рæстæджы фыццæгты 'хсæн кусын райдтыдта сырх зонæйы, йæхиуыл нæ ауæрдгæйæ æххуыс кодта адæмæн. Хæмæтаты Зауырбеджы бинонтæн тæфæрфæс ракодта республикæйы сæргълæууæг Сергей Меняйло.