Дзидзайы куыст Цæгат Ирыстоны рæзы

Дзидзайы куыст Цæгат Ирыстоны рæзы. Цæгат Кавказы федералон зылды дзидзайы кондад 2019 азы уыд 1 милуан æмæ 100 мин тоннæйы. Уый 2018-æм азимæ абаргæйæ у 3,8% фылдæр. Сæрмагондæй нæ республикæ куы райсæм, уæд Цæгат Ирыстоны дзидзайы кондад фæфылдæр 20%. Дзидзайы æппæты стырдæр кондад та ис Стъараполы - 560 мин тоннæйы чысыл цухæй, æмæ Дагестаны - 260 мин тоннæйæ фылдæр. Ахæм бæрæггæнæнтæ парахат кæны паддзахадон статистикæйы орган. Цæгат Ирыстоны уыцы бæрæггæнæн у 39 мин тоннæйы. Æхсыры кондад дæр фæфылдæр 2,5% бæрц. Республикæтæ хицæнæй куы райсæм, уæд æвдисынц ахæм бæрæггæнæнтæ: Цæгат Ирыстон - 167,9 мин тоннæйы, Дагестан - 913,3 мин тоннæйы, Цæцæн - 294,8 мин тоннæйы æмæ Стъараполы край - 502,3 мин тоннæйы. Иннæ æвдисæн у æйчыты продукцийы нымæц: Цæгат Ирыстон - 69,2 милуаны, Цæцæн - 123,1 млн, Кæсæг-Балхъар КБР - 230,1 млн, Стъараполы край та равдыста - 856,1 милуаны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv