Хъæугæ цæстдард

Дзæуджыхъæуы федералон программæйы фæлгæты базилдзысты бирæуæладзыгон хæдзæртты кæртытæм. Куыстытæ ныридæгæн райдыдтой. Сæ хъус сæм дарынц æппæтуæрæсеон адæмон фронты уæнгтæ. Зæгъæм, Калинины номыл 62 хæдзары кæрты байтаудзысты ног асфальт, сæвæрдзысты ног бандæлттæ скæндзысты дзы сывæллæттæн хъазынæн фæз. Ацы хъуыддæгтæ скæнын къухы бафтыд хæдзары цæрджыты хъæппæрисæй. Æппæтуæрæсеон адæмон фронты уæнгтæ куыд бамбарын кодтой, афтæмæй цæрджытæ хъуамæ сæхæдæг сæ хъус дарой куыстытæ куыд цæуынц уымæ. Фронты уæнгтæ фæнд кæнынц фембæлын аразтадон компанийы минæвæрттимæ дæр. Куыд зæгъынц, афтæмæй арæзтадон компани хъуамæ бирæуæладзыгон хæдзары цæрджыты хъуыдыимæ уой иузæрдион. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv