Æдасдзинад хъахъхъæнгæйæ

Мидхъуыддæгты министрады хуыздæр кусджыты схорзæхджын кодтой Ирон театры. Мадзал сарæзтой пъæлицæйæгты профессионалон бæрæгбонмæ. Алы аз æй бæрæг кæнынц 10 ноябры. Фыццаг уал равдыстой документалон киноныв «Внимание всем постам». Систой йæ, адæмы æдасдзинад чи хъахъхъæны, уыдоны номыл. Хуыздæрты схорзæхджын кодтой паддзахадон хæрзиуджытæй. Уæрæсейы мидхъуыддæгты министрады майдантæ «За доблесть в службе» æмæ «За боевое содружество» пъæлицæйæгтæн балæвар кодта министр Михаил Скоков. Йæ куысты чи фесгуыхт, уыдонæн ма саккаг кодтой бузныджы фыстæджытæ æмæ Кады гæххæттытæ. Куысты хорз бæрæггæнæнтæ кæй равдыста, уый тыххæй пъæлицæйы булкъон Сабанты Альбертæн балæвар кодтой сæрмагонд хæцæнгарз – Кортик. Профессионалон бæрæгбонимæ пъæлицæйы кусджытæн арфæ ракодта республикæйы сæргълæууæг Битарты Вячеслав дæр. Куыд фæнысан кодта афтæмæй барадхъахъхъæнджыты уæхсчытыл æвæрд ис бæрнон æмæ ахсджиаг хæс. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv