Æнгомдæр æмгуыстад

Амалхъомдзинады рæзты фарстаты тыххæй Дзæуджыхъæуы арæзт æрцæудзæн ног совет. Уыцы хъæппæрис раргом кодта горæты бынæттон хиуынафæййады сæргълæууæг Æлбегаты Барис. Советы сæйраг хæс уыдзæн бынæттон хицауад æмæ амалхъом адæмы куыст банывыл кæнын. Æлбегаты Барисы ныхæстæм гæсгæ хицауад хи куыстыл æфтыд адæммæ æнгом куы лæууа, уæд уый Дзæуджыхъæуы цардхъомдзинадыл хуыздæрырдæм фæзындзæн. Бизнесменты куыст та, кæй зæгъын æй хъæуы, ахсджиаг у. Сæ руаджы фæзыны ног куысты бынæттæ, уæдæ цы хъалон фидынц, уый дæр горæты æвæрæнтæ фæхъæздыг кæндзæн. Сæ бон ма у хи æфтиаджы фæрцы æхсæнадон хъуыддæгтыл кусын. Æмбырды ма архайдтой амалхъом адæм, стæй Дзæуджыхъæуы экономикæ æмæ амалхъомдзинады управленийы минæвæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv