Раздзоджы бындуронæй ивынц дондзæуæн системæ

Раздзоджы дыууæ къуырийы размæ райдыдтой дондзæуæн системæ ивын. Ныридæгæн хæтæлты 6 километрæй сæвæрдтой дыууæ. Ранæй-рæтты фæзынд люктæ дæр. Уыимæ хъæуы цæрджыты хæдзæрттæм дон цæуы. Специалистты ныхæстæм гæсгæ, хæтæлтæ уыдысты заууат уавæры, фæстаг хатт сæ ивтой 20 азы размæ. Ногтæ бæздзысты 50 азæй фылдæр. Бафтаудзыстæм ма уый, хъæуы коммуникацитæ ивынц Сергей Меняйлойы хæслæвæрдмæ гæсгæ.