«Æнцонвадаты картæ»

«Æнцонвадаты картæ» - ахæм сæрмагонд проект æрхъуыды кодтой парти «Иугонд Уæрæсейы» уæнгтæ. Уый у йе*нæниздзинад хъыгдард кæмæн у, уыдонæн æххуыс чи фæуыдзæн, ахæм портал. Нысангонд дзы ис бынæттæ, сæрмагондæй ифтонг чи сты, ахæмтæ. Ныртæккæ уал Дзæуджыхъæуы уыцы картæмæ бахастой Сабырдзинады фæз. Отель Александровский, Коцойты номыл уынг, стæй Гæдиаты Цомахъы æмæ Довторæйы фæрсуынджы цы æрлæууæн ис, уый. Уыцы бынæттæ ифтонг сты пандустæй, фидаргонд фæндæгтæй æмæ сæрмгонд гæрзтæй. Ныр уыцы кАртæмæ фæнд кæнынц кинозалты тыххæй дæр информаци бахæссын. Йæ нæниздзинад хъыгдард кæмæн у, уыцы адæмæн ифтонггонд чи сты, æрмæст ахæмтæ. Проекты регионалон координатор Цæллагты Жаннæ куыд загъта, афтæмæй Дзæуджыхъæуы цы кинотеатртæ ис, уыдон арæх сбæрæг кæнынц, цавæр уавæртæ дзы ис инвалидтæн, уый. Иннæ мæй проекты архайджытæ раиртасдзысты сæ бон æрлæууæн бынатæй - кинотеатры бæстыхаймæ куыд æнцон уыдзæн бацæуæн, уый. Хæдтулгæтæн лæууæн бынæттæ дзи ис æви нæй, уый дæр. Æркæсдзысты кинотеатры йе*нæниздзинад хъыгдард кæмæн у, уыдонæн кассæйы æнцон у билет балхæныны æви нæ. Уымæй уæлдай ма сбæрæг кæндзысты, кинонывтæ къухтыл æмбаргæ кæй кæнынц, уый дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv