Фæцæрынæн æппынкъадæры æхцайы бæрц 2019 аз фæкъаддæр

Фæцæрынæн æппынкъадæры æхцайы бæрц 2019 аз фæкъаддæр. Уый тыххæй хъусын кæнынц Уæрæсейы фæллой æмæ социалон хъахъахъæнынады министрадæй. Уым куыд фæнысан кодтой, афтæмæй ахæм ивддзинад нæ фæбæрæг уыдзæн социалон лæгггæдты æххуысыл. Афтæ, 2019 азы 4-æм кварталы фæцæрыны æппын къаддæры бæрц 3-æм кварталимæ абаргæйæ фæкъаддæр 3,7%, - уый иу адæймагæн. Кусынхъом чи сты, уыдонæн 3,6%, пенсиисджытæн - 3,3%, сывæллæттæн - 4,2%. Уыимæ фæцæрыны æппын къаддæры бæрц 2019 азы июлæй-сентябрмæ аргæйæ фæфылдæр 3,9%. Уæрæсейы статистикæйы бæрæггæнæтæм гæсгæ 2019 азы инфляцийы æмвæзад уыд 103%. Хыгъдмæ гæсгæ, Уæрæсейы фæцæрыны æппын къаддæры бæрц 2019 азы 4-æм кварталы у 10 мин æмæ 609 сомы, кусынхъом адæймагæн 11 мин æмæ 510 сомы, пенсиисджытæн 8 мин æмæ 788 сомы, сывæллæттæн та 10 мин æмæ 383 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv