Къуылымпытимæ

Арвыкомы фæндагыл рог хæдтулгæтæн ацæуыны бар радтой. Уæзæгтæ чи ласы, уыдонæн, хъыгагæн, сæ хъул сах нæма абадт. Уый тыххæй фехъусын кодта Æнæнхъæлæджы уавæрты управленийы пресс-службæ. Уавæр рæстæгæй-рæстæгмæ ивы. Фæндаг боны `мгъуыдмæ байгом кæнынц æмæ сæхгæнынц цалдæр хатты. Арæныл æрæмбырд сты егъау хæдтулгæтæ æртæсæдæмæ `ввахс. Транскамы уавæр дæр хуыздæр нæу. Ууыл та уæвгæ дæр нæй ахизæн. Хæдтулгæты æппæт хуызтæн дæр у æхгæд. Боныхъæд кæй фæхуыздæр, уый аххосæй зæйтæ рацыд. Фæндаг сыгъдæг кæны сæрмагонд службæты техникæ. Уымæй уæлдай ма хъæугæ мадзæлттæ арæзт цæуынц Ручъы тоннелы дæр. Бафтаудзыстæм ма уый, æмæ Транскам кæй нæ кусы, уый аххосæй Хуссар Ирыстоны цæрджытæ иучысыл цух æййафынц иуæй-иу хойрæгтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv