ЦИПУ-йы дардæр йæ куыст кæны ахуырадон проект «Лекториум»

Цæгат Ирыстоны паддзахадон университеты дарддæр йæ куыст кæны ахуырадон проект «Лекториум». Ацы хатт баст уыд не ’мзæххон Кучиты Юрийы цардвæндагимæ. Нæ зындгонд æмзæххон йæ царды 54 азы радта денджызон флотæн. Уыдонæй 40 азмæ æрзылди Цæгатаг ихджын цæугæдæттыл. 17-æм августы 1977-æм азы Кучиты Юрий Советон Цæдисы ихсæттæн нау «Арктикæ»-йæн разамынд дæтгæйæ, бахæццæ Цæгатаг полюсмæ. Уый уыд фыццаг ахæм цау денджызон историйы. Зындгонд полярон капитан уыд ихсæттæн наутæ «Ленин» æмæ «Арктикæ»-йы разамонæг, социалистон фæллойы хъæбатыр. Лекториумы иннæ лекци ацæудзæн 18 сентябры Цæгат Ирыстоны наукон чиныгдоны. 3 -æм октябры та уыдзæн конференци «От южных гор до северных морей». Уый дæр баст уыдзæн Кучиты Юрийы цардимæ. Конференцимæ ссæудзысты Уæрæсейы географион æхсæнады уæнгтæ Мурманскы облæстæй. Уыцы бон не `мзæххоны номыл гом æрцæудзæн граффИти дæр. Мадзал аразджыты ныхæстæм гæсгæ, дарддæр дæр цымыдисаг фембæлдтытæ араздзысты Цæгат Ирыстоны Паддзахадон Университеты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv