Беслæны теракты аммæтæгты номыл Мæскуйы байгом кæндзысты

Мæскуйы байгом уыдзæн къамты равдыст «Помнить, чтобы жить», зæгъгæ. Баст у Беслæны 2004 азы сентябры æвирхъау цаутимæ. Равдыст байгом уыдзæн 15 ноябры. Сарæзтой йæ террористон актты амæттæгты ассоциаци «Беслæны мадæлтæ», президенты грантты фонды æххуысæй. Равдыст фенæн уыдзæн Паддзахадон музейы Островскийы номыл культурон центры. Уыдзæн дзы теракты бынаты ист къамтæ. Уыимæ ма, сараздзысты тематикон фембæлд ассоциацийы минæвæрттæ, сæрмагонд хайадтæ «Альфа» æмæ «Вымпел», стæй æхсæнадон организацитæ æмæ скъолаты ахуырдзаутимæ. Ныхас кæндзысты, терроризмæн быхсæн кæй нæй, уый тыххæй. Равдыст саразынмæ баххуыс кодта Мæскуйы терроризмы ныхмæ тох кæныны къамис. Уый размæ ахæм равдыстытæ уыдысты Дзæуджыхъæу, Черкесск, Махачкала, Налцык æмæ Санкт-Петербургы. Мæскуйы байгом уыдзæн къамты равдыст «Помнить, чтобы жить», зæгъгæ. Баст у Беслæны 2004 азы сентябры æвирхъау цаутимæ. Равдыст байгом уыдзæн 15 ноябры. Сарæзтой йæ террористон актты амæттæгты ассоциаци «Беслæны мадæлтæ», президенты грантты фонды æххуысæй. Равдыст фенæн уыдзæн Паддзахадон музейы Островскийы номыл культурон центры. Уыдзæн дзы теракты бынаты ист къамтæ. Уыимæ ма, сараздзысты тематикон фембæлд ассоциацийы минæвæрттæ, сæрмагонд хайадтæ «Альфа» æмæ «Вымпел», стæй æхсæнадон организацитæ æмæ скъолаты ахуырдзаутимæ. Ныхас кæндзысты, терроризмæн быхсæн кæй нæй, уый тыххæй. Равдыст саразынмæ баххуыс кодта Мæскуйы терроризмы ныхмæ тох кæныны къамис. Уый размæ ахæм равдыстытæ уыдысты Дзæуджыхъæу, Черкесск, Махачкала, Налцык æмæ Санкт-Петербургы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv