Хуссар Ирыстоны скъоладзауты проект бынымадтой хуыздæрыл

Хуссар Ирыстоны скъоладзауты проект бынымадтой хуыздæрыл. Ахуырдзаутæ се 'нтыстдзинæдтæ равдыстой зымæгон «Нымæцон скъолайы». Архайджытæ раздæр ацыдысты сæрмагонд ахуыртæ. Уыдысты 10 боны. Бацархайдтой дзы 150 адæймаджы. Уыдонæй 22 адæймаджы Хуссар Ирыстонæй. Дзæуджыхъæуы програмированийы къабазы хуыздæр куыстыл банымадтой Хуссар Ирыстонаг лæппу, гимназ «Альбион»-ы 10-къласы ахуырдзау Джиоты Константины проект. Ацы зымæгон скъола нæ республикæйы куыста 2 -æй 12 -æм январмæ. Арæзт æрцыд Цæгат Ирыстоны Хетæгкаты Къостайы номыл Паддзахадон университет æмæ Уæрæсейы рухстауыны министрады хъæппæрисæй. Уымæй уæлдай «зымæгон скъолайы» архайджытæ бахъахъхъæдтой сæ проекттæ дæр. Хуссар Ирыстоны къорды архайджытæ бæстонæй бацархайдтой ацы конкурсы. Сæ сæрмагонд темæ баст уыд нейронон хызтимæ. Уæлахиздзаутæн лæвæрд æрцыдысты фыццаг къæпхæны кады гæххæттытæ æмæ лæвæрттæ.  Хуссар Ирыстойнаг лæппу Джиоты Константин æрмæст «Зымæгон нымæцон скъола»-йы нæ бацархайдта. Уымæй размæ ма йæ зонындзинæдтæ равдыста «Кванториум»-ы сæрдыгон лагеры. Цæгат Ирыстоны «Зымæгон нымæцон скъола» арæзт æрцыд Уæрæсейы федералон проект «Кадры для цифровой экономики»-йы фæлгæты. Скъолайы сæйраг нысан у, цæмæй нырыккон информацион технолгиты райрæзт уæрæхдæр кæна. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv