Цæгат Ирыстоны паддзахадон университеты студенттæн фадат уыдзæн испайнаг æвзаг ахуыр кæнынæн

Цæгат Ирыстоны паддзахадон университеты студенттæн фадат уыдзæн испайнаг æвзаг ахуыр кæнынæн. Уыимæ лæвар. Цалдæр бонмæ курсытæм сæхи бафыстой 70 адæймагæй фылдæр. Ахуыртæ цæудзысты къуыри цыппар хатты, фæсарæйнаг æвзæгты факультеты. Испайнаг æвзаг ныридæгæн ахуыр кæнын райдыдтой 60 адæймаджы. Адих сæ кодтой дыууæ къордыл. Ахуыргæнджыты ныхæстæм гæсгæ, мартъийы онг студенттæн дæтдзысты бындурон зонындзинæдтæ. Апрелæй фæстæмæ та рахиздзысты уæрæхдæр æмвæзадмæ. Ахæм фадат фæзынд Цæгат Ирыстоны паддзахадон университет Испанийы 4 уæлдæр ахуыргæнæндонимæ сæрмагонд бадзырд кæй бафыста, уый руаджы. Алы университетимæ дæр ис нысангонд пълан, æххæст æй кæндзысты æмгуыстады бадзырд æмæ наукон-иртасæн змæлды фæлгæты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv